Ötmə qaydasını pozan sürücü ağır qəza törətdi – Sürücülərin ayağı sındı - VİDEO

Qayda pozan sürücü ağır yol qəzası törədib. Avtosfer.az xəbər verir ki, Çuvaşiya Respublikasının paytaxtı Çeboksarıda 1962-ci il təvəllüdlü sürücü idarə etdiyi “Lada Vesta” markalı avtomobillə yolun “ötmək qadağandır” hissəsində ötmə əməliyyatı etmək istəyib. Lakin qarşıdan bir neçə nəqliyyat vasitəsinin gəldiyini gördükdən sonra öz zolağına keçid edərkən sükan idarəetməsini itirib və yenidən qarşı yola keçərək 1974-cü il təvəllüdlü kişinin idarə etdiyi “Renault”la toqquşub.
Zərbənin təsirindən hər iki avtomobilin ön hissəsi yararsız vəziyyətə düşüb.
Qəza nəticəsində hər iki sürücünün ayaqları sınıb və təcili tibbi yardımın köməkliyi ilə xəstəxanaya yerləşdiriliblər. 
Faktla bağlı araşdırma aparılır.
Sözügedən hadisənin anbaan videosunu təqdim edirik:

Namiq Musayev