Ötmənin qadağan olduğu yerdə əks yola çıxıb təhlükə yaradan sürücü cərimələndi – ANBAAN VİDEO

Paytaxtın Qaradağ rayonunda sürücülərdən birinin qaydaları kobud şəkildə pozması digər sürücülər üçün təhlükəli vəziyyət yaradıb.

Avtosfer.az xəbər verir ki, rayonun Lökbatan qəsəbəsində, Bakı dairəvi yolun qəsəbədən keçən hissəsində 77-HN-302 dövlət nömrə nişanlı “KIA” markalı avtomobilin qəfil və təhlükəli manevri qəza şəraiti yaradıb. 

Sürücünün manevri nəticəsində həm avtobus sürücüsü, həm də digər nəqliyyat vasitələrinin sürücüləri hər iki tərəfi uçurum olan yolda çaşbaş qalıblar. Yaratdığı qəza şəraitini diqqətə almayan sürücü, bu azmış kimi, hərəkətinə də davam edib.

Qaradağ rayon Polis İdarəsinin Dövlət Yol Polisi Şöbəsinin əməkdaşları artıq həmin avtomobilin sürücüsü Rüfət Quliyevi saxlayıb. Onun barəsində İnzibati Xətalar Məcəlləsinin 327.4-cü maddəsinə əsasən protokol tərtib edilib və sürücü 4 bal 150 manat məbləğində cərimə yazılıb.

Eltac Zülfüqaroğlu