Özünü qadına bənzədən oğlan maşın oğurladı – Cərimələnib həbs edildi - VİDEO

Özünü qadına bənzədib sərxoş vəziyyətdə avtomobil oğurlayan gənc oğlan saxlanılıb. Avtosfer.az xəbər verir ki, Rusiyanın Krasnoyarsk şəhərində baş verən hadisə kameraya düşüb. Məlumata görə, sürücülük vəsiqəsi olmaya 20 yaşlı gənc əvvəlcə qadın kimi bəzənərək parik taxıb və başqasına məxsus “BMW X5” markalı avtomobili oğurlayaraq sürməyə başlayıb.

Bir neçə müddət sonra ərazidə xidmət aparan yol-patrul xidmətinin əməkdaşları sürücüdən şübhələnərək ona “Saxla” əmrini veriblər. Ancaq içkinin təsiri altında olan gənc buna məhəl qoymayaraq yayınmağa başlayıb. Yaxalanacağını görən sürücü işıqforun qırmızı işığından keçərək yolun əks istiqamətinə keçib. Bir neçə metr hərəkət etdikdən sonra döngədə sükan idarəetməsini itirib və avtomobil kolluq əraziyə keçərək dayanıb. Sürücü bu dəfə piyada qaçmağa çalışıb, lakin polis onu yaxalayıb. 20 yaşlı oğlan sürücülük vəsiqəsi olmadan sərxoş vəziyyətdə avtomobil idarə etdiyinə, polis əməkdaşının əmrinə tabe olmadığına və yol hərəkəti qaydalarını pozduğuna görə inzibati qaydada cərimələnib.

Bundan əlavə, avtomobil oğurladığına görə də cinayət məsuliyyətinə cəlb olunub.

Sözügedən hadisənin anbaan videosunu təqdim edirik:

Namiq Musayev