Pilot vulkan gölünü ən yaxın məsafədən çəkdi - VİDEO

Vertolyot pilotu Endi Martin vulkan kraterində yaranan lava gölünü lentə alıb. Avtosfer.az “Qafqazinfo”ya istinadən xəbər verir ki, pilot Melaneziya ada qrupunun Vanuatu adasında aktiv olan Ambrin vulkan kompleksini videoya çəkib. Həmin kadrlarda lava gölünün qaynaması əks olunub. Qeyd edək ki, Vanuatu adasında vulkanık proseslər daim  turistlərin marağına səbəb olsa da, yerli sakinlər üçün problemlər yaradır. Belə ki, püskürmə zamanı sovrulan küllər, tullantılar torpağı, havanı çirkləndirir. Bu səbəbdən hökumət əhalini həmin ərazidən köçürmək istəyir.