Polis rəisinin sürücünu döyməsi kameralara düşdü - VİDEO

Rusiyanın Dağıstan Respublikasının Buynaksk rayonunun Yol polisi idarəsinin rəisinə qarşı cinayət işi açılıb. Onu dövlət orqanlarının nüfuzuna ləkə gətirməkdə ittiham edirlər. Avtosfer.az sputnik.az-a istinadən xəbər verir ki, rəis yolda saxlanılmış sürücüyə qarşı güc tətbiq edib. Onun bu hərəkətləri kameraya düşüb. Hadisə oktyabrın əvvəllərində baş verib: polis işçisi "Qazel" markalı avtomaşını saxlayıb. Daha sonra "Qazel"in açarlarını çıxararaq yerə atıb və sənədləri göstərmək istəyən sürücünü döyməyə başlayıb. Döydükdən sonra isə yoluna davam edib. Sözügedən polis rəisi artıq saxlanılıb. Onu 3 ildən 10 ilədək həbs cəzası gözləyir.