Polşada parkinq nəzarətçisini döyən azərbaycanlı sürücü saxlanıldı - VİDEO

Polşada parklanma nəzarətçisini döyən azərbaycanlı sürücü polis tərəfindən saxlanılıb. Avtosfer.az yerli mətbuata istinadən xəbər verir ki, hadisə Oçota rayonunda baş verib.
Yerli KİV-in yaydığı məlumata görə, parklanma nəzarətçisi ərzaq daşıyan maşını idarə edən Azərbaycan vətəndaşı olan şəxsə nəqliyyat vasitəsini düzgün saxlamağını deyib. Lakin, o, nəzarətçinin çağırışına məhəl qoymayıb. Nəzarətçi onu polis çağıracağı ilə hədələyib və bundan sonra sürücü ona hücum edib. O, nəzarətçini bir neçə dəfə itələyərək yerə yıxıb və təpiklə vurub.
Nəzarətçinin şikayətindən sonra axtarışlara başlayan polis 48 yaşlı Azərbaycan vətəndaşını saxlayıb. Hazırda araşdırma aparılır.
Sözügedən hadisənin görüntülərini təqdim edirik:

Namiq Musayev