Qadın sürücü tüstüləyən maşınla “zapravka”ya girib şəkil çəkdirdi – Maşın bu hala düşdü - VİDEO

Yanacaqdoldurma məntəqələrindən birində qeyri-adi və təhlükəli anlar yaşanıb. Avtosfer.az xəbər verir ki, Belarusda baş verən hadisə kameraya düşüb. Məlumata görə, qadın sürücü tüstüləyən “BMW X5” markalı avtomobillə birbaşa yanacaqdoldurma məntəqəsinə daxil olub. Lakin o, dərhal texniki yardım çağırmaq və ya təhlükəsizlik tədbirləri görmək əvəzinə, bu "maraqlı" mənzərəni ölümsüzləşdirmək qərarına gəlib. Qadın tüstüləyən maşının önündə müxtəlif pozlar verərək fotosessiya etməyə başlayıb.

Sürücünün soyuqqanlılığı avtomobil qəfildən alovlanmağa başlayana qədər davam edib. Yalnız nəqliyyat vasitəsi alovlara təslim olduqdan sonra qadın vəziyyətin ciddiliyini anlayaraq yardım çağırmaq barədə düşünüb.

Nəticədə avtomobil ciddi zərər görsə də, yanacaqdoldurma məntəqəsinin işçilərinin müdaxiləsi ilə daha böyük fəlakətin qarşısı alınıb.

Sözügedən hadisənin görüntülərini təqdim edirik:

Namiq Musayev