Qayda pozub “tez sür, tələsirəm” deyən sürücüdən baxın necə “qisas” aldılar - VİDEO

Sumqayıt şəhəri, Sülh küçəsində qayda pozan sürücünün görüntüsü avtomobilin videoregistratoruna düşüb.

Avtosfer.az-ın məlumatına görə, xoşagəlməz hadisə martın 23-də saat 09:10 radələrində qeydə alınıb. Belə ki, 50-CN-038 dövlət nömrə nişanlı “Hyundai” markalı avtomobilin sürücüsü hərəkətdə olduğu zolaqdan sağa keçir və həmin zolaqdakı avtomobilin yolunu kəsir. Kadrdan görünür ki, yolayrıcına daha tez daxil olmaq üçün sürücü bu xətanı törədir, hətta qəza şəraiti belə yaradır. Lakin o, işıqforun sarı işığının yandığını görərək dayanmağa məcbur olur.

Ardınca görüntünü qeydə alan avtomobilin sürücüsü qayda pozan maşına yaxınlaşaraq “Niyə o şəkildə qabağıma çıxırsan? - deyə, ona sual verir. “Hyundai”ın sürücüsü isə “Tez sürdə, tələsirəm” deyərək cavab verir. Bu cavab sürücünü aqressivləşdirir və o, işıqforun yaşıl işığı yanan kimi “Hyundai”ın önünə keçərək hərəkət edir. Daha sonra isə digər sürücü siqnal verərək onu ötsə də əsəbiləşən sürücü yenidən onu keçir. 

Nərmin