Sərxoş halda alt paltarında maşın sürdü; polisdən qaçanda tutuldu - VİDEO

Rusiyada sərxoş vəziyyətdə alt paltarı ilə sükan arxasına keçərək sürət həddini aşan sürücü saxlanılıb.

Avtosfer.az İrkutsk vilayətinin Dövlət Yol Müfəttişliyinin "Telegram" kanalına istinadən xəbər verir ki, hadisə fevralın 11-də vilayətin Tulunsky rayonunda baş verib. Gecə saatlarında “Vilyuy” şosesində sürətlə hərəkətdə olan yük maşınına ərazidə xidmət aparan yol polis əməkdaşları “Saxla” əmri veriblər. Buna məhəl qoymayan sürücü hərəkətə davam edib. Sürücü polis inspektorlarından yayınmağa çalışsa da, bir müddət sonra məcbur edilərək maşını saxlayıb. 
Sərxoşluqla bağlı tibbi müayinədən keçirilən 56 yaşlı sürücü içkili olub. Bundan əlavə o, maşını alt paltarı ilə idarə edib. 
İndi 56 yaşlı sürücünün bu hərəkətləri onu həm sürücülük vəsiqəsindən məhrum edəcək, həm cərimələnəcək, həm də ki, avtomobilə həbs qoyulacaq.

Namiq Musayev