Sərxoş yeniyetmə avtomobil qaçırdı – Cərimə və həbs cəzası alacaq - VİDEO

Saxalin vilayətində sərxoş yeniyetmə avtomobil qaçırıb. Avtosfer.az xəbər verir ki, sosial şəbəkələrdə böyük rezonans doğuran həbs anı təhlükəsizlik kameralarına düşüb.
Vilayətin növbətçi polis hissəsinə müraciət edən 50 yaşlı kişi avtomobilinin oğurlandığını bildirib. Ərazidə patrul xidməti aparan yol polisləri qısa müddət sonra təsvirə uyğun gələn xarici markalı avtomobili qeydə alıblar. Polisin "saxla" əmrinə tabe olmayan sürücü qaçmağa çalışsa da, asayiş keşikçiləri operativ hərəkət edərək onu yaxalaya biliblər.
Məlum olub ki, sükan arxasındakı şəxs 17 yaşlı yeniyetmədir.
Araşdırmalar zamanı onun əvvəllər də sərxoş vəziyyətdə sükan arxasında əyləşdiyi üçün məsuliyyətə cəlb olunduğu üzə çıxıb. Tibbi müayinə gəncin spirtli içki qəbul etdiyini təsdiqləyib.
Hadisə ilə bağlı yeniyetmənin valideynlərə övladlarının tərbiyəsi və vəzifələrinin icra edilməməsi ilə bağlı inzibati protokol tərtib olunub.
Gənc oğrunu isə 300 min rubla qədər cərimə və ya iki ilədək azadlıqdan məhrumetmə cəzası gözləyir.
Faktla bağlı araşdırmalar davam edir.

Namiq Musayev