Süni intellektin nəqliyyatda tətbiqi sürücü xətalarının qarşısını ala bilər? - VİDEO

Son illər dünyada texnologiyanın sürətli inkişafı özünü nəqliyyat sektorunda da göstərməyə başlayıb. İstər inkişaf etmiş ölkələrdə, istərsə də Azərbaycanda bu sahədə bir çox yeniliklərin tətbiqinə başlanılıb. Bu yeniliklərin ən yüksək mərtəbəsi dövrün ən çox tələb olunan məhsuluna çevrilən süni intellektdir. Bu məhsul özünü bir sıra cəhətlərdən sübut edə bilib. Nəqliyyat sahəsində süni intellektin tətbiqinə bir sıra ölkələrdə artıq 5-6 ildir keçilib. Azərbaycanda ötən ildən nəqliyyat sahəsində süni intellektin geniş tətbiqinin yoxlanılmasına başlanıb. Bu prosesdə başlıca rol “Streamax” şirkətinin üzərinə düşür. Şirkətin ölkəmiz gətirdiyi texnologiyalar logistika və sərnişindaşıma sahəsində yeniliklərin tətbiqinə heablanıb.

Şirkətin Azərbaycan, Türkiyə və Gürcüstan üzrə Satış direktoru Ercan Öztürk Avtosfer.az-ın qonağı olub. Ercan Öztürk müsahibə zamanı ölkəmizin çox əlverişli coğrafi mərkəzdə yerləşdiyini və geniş logistik imkanlarının olduğunu vurğulayıb. Qeyd edib ki, Azərbaycanda nəqliyyat sektorunda ciddi dəyişikliklərin edilməsinə ehtiyac var və “Streamax” bunu təmin edə bilər:

“Streamax” insan həyatını qoruyan və nəqliyyat vasitəsinə, şirkətə investisiya etdiyi yatırımları qorumağa çalışan məhsullar istehsal edir. Sadəcə Azərbaycanda yox, bütün dünyada problemlərin mənbəyi insandır. İnsanın iştirakı olan bütün sahələrdə yol verilən xətalar insan həyatına, eləcə də gəlir itkisinə rast gəlinir. Bunların qarşısını almaq üçün isə ən sadə izləmə cihazlarından ən yüksək səviyyədə süni intellekt texnologiyaları istehsalar edirik ki, insanların əməklərini qoruyaq. Azərbaycan bu mövzuda körpü ölkə funksiyası daşıyır. Bu ölkə Asiya və Avropanı əlaqələndirən yolun üstündə çox önəmli nöqtədə yerləşir. Logistik daşımalarda bu sahədə təhlükəsizliyin təminatı, hədəflərin gerçəkləşdirilməsi və bütün bunları edərkən də insan həyatının diqqətdən yayınmadan uğura çatmaq üçün bir sıra sistemlərin tətbiqi mütləqdir. Biz bu nöqtədə sürücü xətalarının qarşısını alan, yük və sərnişin daşımalarını daha gəlirli və sürətli hala gətirəcək həllər təklif edirik. Çünki insan yata bilər, insan xəta törədə bilər, gecə-gündüz oyaq qala bilməz, amma süni intellekt insanın yerinə bunu edə bilər”.

Ercan Öztürkün müsahibəsinin tam videosunu təqdim edirik:

Səfər