Sürət həddini aşan sürücü ağır qəza törətdi: 5 nəfər həyatını itirdi - ANBAAN VİDEO

Beş nəfərin ölümü ilə nəticələnən ağır yol-nəqliyyat hadisəsi baş verib. Avtosfer.az xəbər verir ki, Rusiyanın Soçi şəhərində baş verən qəza anı kameraya düşüb. Məlumata görə, yüksək sürətlə idarə olunan "Toyota Land Cruiser" markalı avtomobil idarəetmədən çıxaraq tunelin girişinə çırpılıb. Qəza nəticəsində sürücü, onun həyat yoldaşı, 5 yaşlı qızı, 10 yaşlı oğlu və 12 yaşlı digər oğlu hadisə yerində dünyasını dəyişiblər. Avtomobildə olan digər kiçikyaşlı 3 uşaq isə möcüzə nəticəsində sağ qalıb. Yaralılar dərhal təcili tibbi yardım maşını ilə xəstəxanaya çatdırılıblar. Hadisə ilə bağlı cinayət işi açılıb. Polis əməkdaşlarının ilkin araşdırmalarına əsasən, qəza zamanı yol örtüyü yaş olsa da, sürücü hava və yol şəraitini nəzərə almadan sürət rejimini kobud şəkildə pozub. Faktla bağlı təhqiqat davam etdirilir.

Sözügedən hadisənin anbaan görüntülərini təqdim edirik:

Namiq Musayev