Sürücü Xətai DYP-nin "avtoş ovunu" ifşa etdi - VIDEO

Yolda manevr qaydasını pozan sürücüləri aldadıb "Avtoxuliqan" adıyla cərimə meydançasına aparan yol polisləri barədə sosial şəbəkədə məlumat yayılıb. Avtosfer.az-ın xəbərinə görə yayılan məlumatda qeyd olunur ki, Nobel prospektində manevr qaydasını pozan sürücüləri izləyib qarşıdakı YPX əməkdaşlarına ötürən sürücü müəyyən olub. Həmin sürücü 99-MV-193 qeydiyyat nişanlı "Toyota"markalı avtomobili idarə edir.Sürücü yolda asta sürətlə hərəkət edərək manevr qaydasını və ya hərəkət sürətini aşan avtomobillərin nömrəsini qarşıda xidmət aparan Xətai rayon DYP bölməsinin YPX avtomobillərinə ötürür və həmin inspektorlar sürücüləri saxlayaraq "Avtoxuliqan" etdiklərini bildirir və qanunsuz olaraq cərimə meydançasına aparır. Avtosfer.az-a sürücülər tərəfindən dəfələrlə bu qanunsuzluq barədə şikayətlər daxil olub. Hüququnu bilən sürücülər idarəyə yaxınlaşaraq "Avtoxuliqanlıq" etmədiklərini bildiriblər və onları protokol tərtib etmədən sərbəst buraxıblar.

Fərid