Taksi gözləyən xanıma qarşı qeyri-etik hərəkətlər edən sürücü CƏZALANDIRILDI - VİDEO

Yol kənarında dayanaraq, taksi gözləyən xanıma qarşı qeyri-etik hərəkətlər edən "Toyota Prius" sürücüsünün kimliyi müəyyən olunub.

Avtosfer.az xəbər verir ki, bu barədə oxu.az-a Daxili İşlər Nazirliyinin (DİN) Mətbuat Xidmətinin əməkdaşı, polis leytenantı Elbrus İbrahimov məlumat verib.

O qeyd edib ki, görüntülərdəki sürücü 1988-ci il təvəllüdlü T. Yusifov müəyyən edilərək ərazi üzrə Polis Şöbəsinə gətirilib.

"Barəsində qanunla nəzərdə tutulan qaydada tədbir görülüb".

Qeyd edək ki, ötən gün yol kənarında dayanaraq, taksi gözləyən xanıma qarşı qeyri-etik hərəkətlər edən sürücü ilə bağlı sosial şəbəkədə videogörüntü paylaşılmışdı.

***

Qadına qarşı qeyri-etik hərəkətlər edən sürücünün videosu yayılıb. Avtosfer.az xəbər verir ki, bu barədə görüntülər sosial şəbəkələrdə paylaşılıb.

Belə ki, 20-EN-583 dövlət qeydiyyat nişanlı "Toyota Prius" markalı minik avtomobilinin sürücüsü yol kənarında dayanaraq, taksi gözləyən xanım müştəriyə qeyri-etik hərəkətlər edib.

Avtosfer.az həmin kadrları təqdim edir:

Namiq