TƏBİB təcili yardıma yol verən nümunəvi sürücülərin görüntülərini yaydı - ANBAAN VİDEO

Son günlər sosial şəbəkələrdə təcili yardım avtomobillərinə yol verən sürücülərlə bağlı yayılan görüntülər böyük rəğbətlə qarşılanıb. Bu, bir daha göstərir ki, vətəndaşlarımız humanistlik və həmrəylik nümunəsi ortaya qoyaraq, insan həyatının xilas edilməsinə dəstək olurlar.

Qeyd edək ki, təcili tibbi yardım avtomobillərinə yol vermək yalnız qaydalara riayət deyil, həm də vətəndaşlıq borcudur. Çünki hər saniyə, hər dəqiqə insan həyatının xilası üçün böyük əhəmiyyət daşıyır. 

Avtosfer.az xəbər verir ki, təcili yardımın qarşısını kəsmək isə həm qanunla qadağandır, həm də ağır nəticələrə səbəb ola bilər. TƏBİB-in mətbuat katibi Elnur Hidayətoğlu paylaşdığı video ilə təcili tibbi yardım avtomobilinə yol verən sürücülərə minnətdarlığını bildirib:

“Yenə də sizi göstəririk! Və yenə də sizi nümunə göstəririk! TƏBİB təcili yardım sürücülərinə yol verən sürücülərə təşəkkür edir! Hər bir sürücünü təcili yardım avtomobillərinə yol verməyə çağırırıq.

QEYD: Təqdim edilən bu videoçarx yol hərəkəti qaydalarına riayət etmək şərti ilə təcili yardım avtomobillərinə yol verən sürücüləri təbliğ və təşviq etmək, onlara göstərdikləri diqqətə görə təşəkkür etmək və ən əsası, başqalarına nümunə göstərmək xarakteri daşıyır”.

Eltac Zülfüqaroğlu