Tıxaca düşməmək üçün istifadə edilən alternativ yollarda da sıxlıq yaranıb - VİDEO

Bakı-Sumqayıt yolunun təmir edilməsi və bir neçə gündür ərazidə yaşanan güclü tıxac sürücülərin alternativ yollardan istifadə etməsinə səbəb olub.

Avtosfer.Az bildirir ki, hazırda Bakıdan Sumqayıta və əks istiqamətdə hərəkət edən sürücülər iki əsas alternativ yoldan- Binəqədi yolu və Balaxanı-Binəqədi-Novxanı avtomobil yollarından istifadə edirlər.

Sürücülərin alternativ yollardan istifadə etməsi isə həmin yollarda avtomobil sıxlığının yaşanmasına səbəb olur.

Alternativ yol kimi Balaxanı-Binəqədi-Novxanı avtomobil yolundan istifadə edən sürücülər də az deyil.

Bu arada, yolların tıxac olması qatarlardan istifadə edən sərnişinlərin sayını da xeyli artırıb. Hətta Sumqayıt dəmir yolu vağzalı qarşısında avtomobil sıxlığı müşahidə edilir. Vətəndaşlar avtomobillərini dərmir yolu vağzalına yaxın ərazidə park edərək qatarlar vasitəsi ilə Bakıya gəlirlər.

Qeyd edək ki, yeni tikilən Sumqayıt dəmir yolu vağzalının qarşısında yeraltı avtodayanacağın tikilməsi planlaşdırılır. Bununla da həmin ərazidə avtomobil tıxacı azalacaq.