Yol polisi Bakı-Şamaxı yolunda qalan sürücülərə belə kömək etdi - VIDEO

Havaların isti keçməsi ilə əlaqədar olaraq Baş Dövlət Yol Polisi İdarəsinin Yol Patrul Xidməti Alayı gücləndirilmiş iş rejiminə fəaliyyət göstərir. Şəxsi heyət yollarda hərəkətin təhlükəsizliyini təmin etmək məqsədilə sürücülərin iş və istirahət rejiminə nəzarəti gücləndirilib. Bu məqsədlə postlarda DYP rəhbərliyinin göstərişi ilə yaradılan şəraitdən sürücü və sərnişinlərin istifadəsinə imkan yaradılıb. Sürücülərə içmək üçün sərin su və əl-üzlərini yumaq, dincəlmək üçün yer göstərilir. Bu gündən isə YPX avtomobillərində xidmət aparan əməkdaşlar öz maşınlarına sərin su qoyur və yolda qalan sürücülərə təklif edir.

Avtosfer.az komandası məsələni yerində araşdırmaq məqsədilə bakı-Şamaxı yolunda Baş Dövlət Yol Polisi İdarəsinin Yol Patrul Xidməti Alayının 3-cü tağımının ərazisində yerləşən iki stasionar postda və yolda oldu.  Günün qızmar vaxtlarında uzaq səfərlərə çıxan və xüsusən də mikroavtobus və avtobus idarə edən idarə edən sürücüləri DYP postlarında saxlayaraq onların qısamüddətli istirahət etməsinə şərait yaradırdılar. Sürücülər postların ərazisində olan sudan istifadə edərək əl-üzlərini yuyur, qısamüddətli istirahət edirlər. Eyni zamanda YPX əməkdaşları ərazidə xidmət apararaq yolda avtomobili xarab olmuş, yaxud çətinlikdə olan sürücülərə də kömək edirdilər. 

Avtosfer.az-ın hazırladığı süjeti təqdim edirik:

Elməddin Muradlı,
Orxan Əli

Bakı-Şamaxı-Bakı