Yol polisi maşını yük avtomobilinin altında qaldı: 6 yaralı - VİDEO

Türkiyədə yol qəzası nəticəsində 3-ü polis olmaqla 6 nəfər yaralanıb. Avtosfer.az İHA-ya istinadən xəbər verir ki, Adana-Mersin magistral yolunda 3 yol polisi yol kənarında dayanan və tüstüləyən nəqliyyat vasitəsində olan vətəndaşlara kömək etmək üçün dayanıb. Bu arada arxadan gələn yük maşını polis avtomobilini altına alaraq vətəndaşların olduğu maşına yüngülcə toxunub.

Hadisə yerinə çox sayda həkim, polis və yanğınsöndürmə işçiləri cəlb edilib. Xəstəxanaya aparılan polislərdən birinin vəziyyəti ağır, digər 5 nəfərin isə sabit olduğu bildirilib. Həbs edilən yük maşınının sürücüsü “Birdən gözüm qaraldı, görmədim” - deyə ilkin ifadəsində deyib.

Hadisə ilə bağlı araşdırma aparılır.

Namiq