Yol polisi piyadaya yol verməyən sürücünü tapıb cəzalandırdı - VIDEO

May ayının 22-də paytaxtın Nobel prospektində hərəkətdə olan 99-XS-375 qeydiyyat nişanlı avtomobilin sürücüsünün, avtomobili yüksək sürətlə idarə edib piyada keçidindən keçən yaşlı qadının üzərinə sürərək ona təhlükəli anlar yaşatdığı video görüntüləri Avtosfer.az saytında yaymışdıq.

Görüntülərə baxış keçirən Dövlət Yol Polisi əməkdaşları dərhal həmin sürücünün tapılıb məsuliyyətə cəlb edilməsi üçün axtarışa başlayıblar. 

Yol hərəkəti qaydasını kobud şəkildə pozaraq piyadaya təhlükəli anlar yaşadan Rzayev Elşad Akif oğlu müəyyən edilərək 50 manat məbləğində cərimə olunub.

Qayda pozan sürücünün görüntülərini qeydə alaraq ictimailəşdirən şəxsə və həmin sürücünü məsuliyyətə cəlb edən DYP əməkdaşına minnətdarlıq bildiririk.

Təbriz