Yük maşınının altında qalan “Mazda” kitab kimi əzildi; sürücü sağ qaldı - Möcüzə - VİDEO

Əks yola çıxan avtomobil ağır yol qəzasına səbəb olub. Avtosfer.az xəbər verir ki, Qazaxıstan magistrallarının birində baş verən hadisə videoqeydiyyatçı tərəfindən görüntülənib. Belə ki, yüksək sürətlə hərəkət edən “Chevrolet” markalı minik avtomobili qəfildən əks yola çıxaraq qarşıdan gələn qoşqulu yük maşınının yoluna çıxıb.

Yeddi nəfərin öldüyü qəzaya görə 8 il həbs - Sükan arxasında yuxulayıbmış - FOTO

Qəzadan yayınmağa çalışan çoxtonlu yük maşınının sürücüsü sükanı kəskin şəkildə manevr etməli olub. Nəticədə ağırtonajlı maşın tarazlığını itirərək hərəkətdə olan “Mazda” markalı qırmızı rəngli minik avtomobilinin üzərinə aşıb.

Hadisə şahidlərinin sözlərinə görə, “Mazda” yük maşınının altında tamamilə əzilsə də, sürücü ağır xəsarətlər almadan xilas ola bilib. Hadisə yerinə gələn xilasedicilər sürücünün belə bir qəzadan sağ çıxmasını "əsl möcüzə" kimi qiymətləndiriblər.

Hazırda faktla bağlı yerli hüquq-mühafizə orqanları tərəfindən araşdırma aparılır.

Sözügedən hadisənin anbaan görüntülərini təqdim edirik:

Namiq Musayev