210 min dollarlıq "Bentley" avtomobilləri öz-özünə alışa bilər - XƏBƏRDARLIQ

"Bentley" ABŞ-də 130 ədəd "Bentayga" hibrid krossoverinin geri çağırıldığını elan edib.

Avtosfer.az auto.ru-ya istinadən xəbər verir ki, avtomobillərdə yüksəkgərginlikli batareyanın həddən artıq isinməsi riski aşkar edilib ki, bu da nəzəri olaraq qısaqapanmaya və nəqliyyat vasitəsinin alışmasına səbəb ola bilər.

Qeyd edək ki, krossoverin benzin-elektrik versiyası "Samsung"dan 18 kilovatlıq batareya ilə təchiz olunub. Şirkət iddia edir ki, həddən artıq isinmə dizayn qüsurlarından deyil, fərdi gücötürücü komponentlərinin çirklənməsindən və ya zədələnməsindən qaynaqlanır.

Xatırladaq ki, ABŞ-də "Bentley Bentayga" hibridinin qiyməti ən azı 210 000 dollardır.