ABŞ məşhur alman şirkətini yola gətirdi

ABŞ administrasiyası “Volksvagen” avtomobil şirkətini İranda bütün fəaliyyətini dayandırmağa inandıra bilib. Avtosfer.az virtualaz.org-a istinadən bildirir ki, bunu jurnalistlərə açıqlamasında ABŞ-ın Almaniyadakı səfiri Riçard Qrenella deyib. Onun sözlərinə görə, razılaşma çərşənbə axşamı əldə edilib: “Şirkət ABŞ sanksiyalarına əməl edəcəyini bildirib. Biz bu qərardan razıyıq”. O, “Volksvagen”in bundan sonra da İranda humanitar xarakterli fəaliyyətlə məşğul ola biləcəyinə izn verildiyini bildirib.