Alman avtomobil istehsalçısı ixtisarlara başlayır  

Almaniyanın əsas yük avtomobili istehsalçılarından olan MAN yaxın 10 ildə Almaniyada 2300 iş yerini ixtisara salacaq.  Bu da müəssisənin ümumi işçi sayının 15 faizə qədəridir. 

Avtosfer.az xəbər verir ki, Almaniyanın avtomobil sənayesində müşahidə olunan böhran MAN-dan da yan keçməyib. Şirkət optimallaşdırma çərçivəsində ölkənin 5 şəhərində yerləşən zavodlarında işçi sayını azaldacaq. Ən ciddi ixtisarlar baş ofisin yerləşdiyi Münxen şəhərində olacaq – 7000 əməkdaşın 1300-ü işini itirəcək. 

MAN yaxın illərdə mövcud bazar şərtlərinə uyğunlaşmağı və istehsalın böyük hissəsini Polşaya köçürməyi planlaşdırır. Həmkarlar təşkilatları bu plana qarşı çıxır.

Vüqar