"Audi" 6,7 minə yaxın avtomobili geri çağırır

"Volkswagen Group Rus" şirkəti Rusiyada 6,7 minə yaxın "Audi" markalı avtomobili geri çağırıb. Avtosfer.az-ın Trend-ə istinadən məlumatına görə, qərar soyuducu maye nasosunda qeydə alınan qüsurlarla əlaqədardır. Məlumatda qeyd olunur ki, bu qüsur bəzi hallarda qurğuların əriməsinə səbəb ola bilər. Qeyd edək ki, geri çağırılma 2012-2017-ci illər arasında Rusiyada satılmış A4, A5, A6 və Q6 modellərinə şamil olunur. Bu avtomobillərdə təmir işləri ödənişsiz əsasda həyata keçiriləcək.