Avropa İttifaqında avtomobil satışları 5% artıb

Ötən ilin dekabrında Avropa İttifaqında (Aİ) avtomobil satışları 5,1% artıb.

Avtosfer.az xəbər verir ki, bu barədə Avropa Avtomobil İstehsalçıları Assosiasiyasının (ACEA) məlumatında deyilir.

Hesabat dövründə Aİ ölkələrində qeydiyyata alınan yeni minik avtomobillərinin sayı 910 505 ədəd təşkil edib.

Fransada satışlar 1,5%, İspaniyada 28,8% artıb. İtaliyada satışlar 4,9%, Almaniyada 7,1% azalıb. Avropa İttifaqında elektriklə işləyən avtomobillərin satışı isə 10,2% azalaraq 144 367 ədəd təşkil edib.

"Volkswagen"in Aİ-də satışları dekabrda 5,9%, "Stellantis"in 7,3%, "Renault"un 16,4% artıb. “Hyundai”ın Aİ-də avtomobil satışı 2,3%, “Toyota”nın isə 31,1% artıb.

Amerikanın elektrikli avtomobil istehsalçısı "Tesla" Avropa İttifaqında 32 074 avtomobil satıb ki, bu da 2023-cü ilin dekabr ayı ilə müqayisədə 5,9% çoxdur.