Avtomobil sənayesində ciddi böhran gözlənilir – PROQNOZ - FOTO

Avropada 2035-ci ildən etibarən istilik mühərriklərinin qadağan edilməsi bu sektorda ciddi böhrana səbəb olacaq. Hətta 2010-cu ildə baş vermiş və nəticələri hələ də davam edən böhran bununla müqayisədə çox zəif görünə bilər. 

Avtosfer.az xəbər verir ki, bu qənaətə avropalı ekspertlər gəliblər. Onların fikrincə, avropalılar 2033-2034-cü illərdə son fürsət olaraq kütləvi şəkildə istilik mühərrikli maşınlara axın edəcəklər. Bu da istehsalçıların qısa müddətdə böyük gəlir əldə etməsinə səbəb olacaq. Lakin məsələnin ikinci tərəfi arzuolunan deyil. 

Artan tələbi ödəmək üçün avtomobil və detal istehsalçıları əlavə investisiya qoyacaq, işçi cəlb edəcək. Bir müddət sonra isə satışlar çökəcək. Nəticədə istehsal da dayanacaq. Hansısa zavodun yeni texnika buraxılışına uyğunlaşması üçün aylar, hətta illər tələb olunur. Bir müəssisənin benzin mühərriki istehsalından elektrik avadanlığı istehsalına keçidi bir neçə gün ərzində mümkün olacaq iş deyil.

Bu məqamda istehsalçılar yenidən investisiya qoymağa, bazara uyğunlaşmağa çalışacaq. Nəticədə avtomobil sənayesində iş yerləri ixtisara düşəcək. Bu sektorda yaranacaq böhran digər sahələri də “vuracaq”.

Qərb analitikləri burada başqa bir amili də vurğulayırlar: onların fikrincə, Çin bu vəziyyətdən bəhrələnəcək.

Vüqar