Avtomobildən istifadəni təşviq edən amillər

Rusiya şəhərlərində avtomobildən istifadənin 99 faizi məcburiyyətdən irəli gəlir. 

Avtosfer.az xəbər verir ki, bu qənaətə rusiyalı ekspertlər gəlirlər. Onların fikrincə, şəhərin, ictimai nəqliyyatın, yaşayış məhəllələrinin planlamasındakı qüsurlar, şəhərdaxili və regional nəqliyyatın pis işləməsi, əmək bazarı və yaşayış yerlərinin uyğunsuzluğu şəxsi avtomobildən istifadəni zəruri edir.

Əgər bu qüsurlar aradan qalxarsa, şəhər küçələrində yüklənmə azalacaq, sakinlər ictimai nəqliyyata yönələcək. Avtomobildən istifadə yalnız azyaşlı uşağı olan ailələr və şəhər kənarında yaşayanlar üçün zəruri olacaq. 

Maraqlı budur ki, rus iqtisadçıların təsvir etdiyi şəhərlər MDB məkanında deyil, Avropada mövcuddur. Berlin, Ştutqart, Paris kimi şəhərlərdə şəxsi avtomobilə maraq ilbəil azalır.

Vüqar