Avtomobilin orta qiymətinin çox yüksək olduğu ölkələr – SƏBƏB 

Avtomobilin pərakəndə satış qiymətini formalaşdıran amil təkcə zavoddan buraxılış qiyməti deyil. Satışın dəyərinə zavod qiyməti ilə yanaşı vergilər, satıcının birbaşa və dolayı xərcləri də təsir edir. Bəzi ölkələrdə yekun qiyməti maya dəyərinin yüksək olması diqtə edirsə, digərində yüksək gömrük rüsumları qiymətləri yuxarı çəkir.

Avtosfer.az xəbər verir ki, avtomobilin orta qiymətinin ən yüksək olduğu ölkələr Kanada (62 000 dollar) Britaniya (61 000 dollar), ABŞ (52 000 dollar), İsrail (50 000 dollar) və Rusiyadır (45 000 dollar). Hər bir ölkə üçün bahalığın konkret səbəbləri var. 

Məsələn, ABŞ və Kanada əhalisi böyük pikaplara üstünlük verir. Bu avtomobillər ağır və yaxşı komplektasiyalı olduqları üçün çox bahadır.
Britaniyada lüks modellər çoxdur. İsraildə isə gömrük xərcləri avtomobilin dəyərini üstələyir. 

Qonşu Rusiyada bahalığa səbəb sanksiyalardır. Çin hökuməti ötən il brendlər arasında qiymət müharibəsinə son verdikdən sonra bu ölkədə Çin maşınları da hiss ediləcək həddə bahalaşıb. 

Avropanın əsas avtomobil istehsalçısı olan Almaniyada orta qiymət 40 min avrodur.

Vüqar