Avtomobilin rəngi insan xislətini göstərirmi?

Avtomobilin rəngi təkcə texniki göstərici deyil, həm də psixoloji vəziyyəti göstərən faktdır. 

Avtosfer.az xəbər verir ki, baş ofisi Los-Ancelesdə yerləşən BASF təşkilatı avtomobil rəngi ilə sürücü xarakteri arasında əlaqəni üzə çıxarıb.

Təşkilatın psixoloqları bildirirlər ki, maşının rəngi ilk təəssüratı formalaşdıran amildir. Son statistikaya görə, dünyadakı maşınların 80 faizini axromatik (ağ, qara, boz, gümüşü) rənglər təşkil edir.

Axromatik rənglər avtomobil sahiblərinin praktikliyini və konservatizmini göstərir. Neyrofizioloqların fikrincə, qırmızı rəng adrenalini stimullaşdırır, mavi stresi azaldır, yaşıl diqqəti artırmağa kömək edir.

Avtomobil istehsalçıları isə bir məsələdə həmrəydirlər: rəng avtomobilin texniki göstəricilərinə heç bir təsir göstərmir. Lakin isti ölkələrdə ağ avtomobil almaq daha məqsədəuyğundur. Ağ rəngdə olan maşınların salonu yayda daha gec qızır ki, bu da sırf fiziki qanundur.

Vüqar