Avtomobillə bağlı inanclar

Dünyanın bütün ölkələrində insanlarda hansısa əlamətə görə gələcəyi proqnozlaşdırmaq ənənəsi var. Məsələn, Azərbaycanda bəzilərinin qarşısına pişik çıxarsa düşünür ki, bu gün işləri düz getməyəcək. Yaxud, xoşlamadığı adam qabağına çıxsa düşünəcək ki, “filankəsin ayağı ağırdır” və s. 

Avtosfer.az xəbər verir ki, dünyada avtomobillə bağlı da bu cür inannclar mövcuddur. Məsələn, Rusiyada düşünürlər ki, maşını yuduqda qar ya da yağış yağacaq. Bu yanaşma bizə də sirayət edib. Dəfələrlə şahidi olmuşam ki, sürücülər maşını yuduzdurduqdan bir neçə saat sonra yağış başlamasından şikayət ediblər.

Yaponiyada isə yağışla bağlı məsələ bir qədər fərqlidir. Gündoğan ölkədə düşünürlər ki, yağışlı havada maşın sürmək bərəkəti artırır, əlavə qazanc gəlir. 

ABŞ-da isə vəziyyət bir qədər fərqlidir. Amerikalılar düşünürlər ki, maşının pəncərəsindən kiməsə pul və ya qiymətli əşya vermək maliyyə itkilərinə gətirib çıxarır.

Reallıqda isə bu cür inancların heç bir elmi əsası yoxdur.

Vüqar