Avtomobillərdə nə üçün qurğuşun akkumulyator istifadə edilir?

Bu gün litium-ion akkumulyatorlar mobil telefondan tutmuş elektromobilədək hər yerdə istifadə edilir. Onların əsas üstünlüyü yüngüllük, yığcamlıq və tez dolmasıdır. Bəs elə isə nə üçün daxiliyanma mühərrikli avtomobillərdə daha ağır qurğuşun akkumulyatorlar quraşdırılır? 

Avtosfer.az xəbər verir ki, qurğuşun akkumulyatorlar iri və ağır olsa da müəyyən üstünlükləri var. Əvvəla, on ların istehsalı ucuz başa gəlir. Soyuq havada gücünü çox itirmir. Nə qədər zəifləsə də müəyəyn qədər starteri fırlatmağa gücü yetir. Yüksək temperatur isə bu texnikaya çox da risk yaratmır.
Litium-ion akkumukyatorların ən böyük qüsuru temperatur həssaslığıdır. Artıq -10 dərəcə Selsidə onların tutumu kəskin azalır. +30 dərəcəni keçdikdə isə batareyanın partlama və alışma riski artır. Bu səbəbdən elektromobil batareyalarında temperatur rejimin ə nəzarət üçün xüsusi mexanizm mövcuddur. Qurğuşun akkumulyatorlarda isə buna ehtiyac yoxdur. 
Litium-ion akkumulyatorlar baha başa gəldiyi üçün maşınıən da maya dəyərini artırır. Buna görə də, istehsalçılar ənənəvi enerji qurğusundan istifadə edirlər.

Vüqar