"Avtovaz" rəhbərliyinin ay ərzində ikinci gecikmiş etirafı

Rusiyanın Avtovaz şirkəti rəsmi olaraq dördgünlük iş həftəsinə keçib.

Avtosfer.az xəbər verir ki, bu keçidlə bağlı söz-söhbət hələ iyul ayından dolaşsa da, rəhbərlik bunu ciddi-cəhdlə təkzib edirdi. İndi isə idarə heyətinin qərarı əməkdaşlara emal edilib.
Dördgünlük iş rejiminə keçməklə rəhbərlik həm anbarları boşaltmağı, həm də vəsaitə qənaət etməyi hədəfləyir. İstehsal edilmiş avtomobilləri yığmaq üçün əlavə icarəyə götürülmüş yerlər şirkətə əlavə maliyyə yüküdür. Avqustdakı korporativ məzuniyyət də bu yerləri tam boşaltmağa imkan verməyib. Satışların azaldığı dövrdə iş günlərini azaldaraq maaşları aşağı salmaq mümkündür.   
Qeyd edək ki, bu, ay ərzində şirkətin ikinci etirafıdır. İstehsalın azaldılması barədə söz-söhbəti ayın əvvəlində təkzib edən şirkət rəhbərliyi ötən həftə etiraf etmişdi. Qısa iş həftəsinə keçid ikinci etirafdır. İndi qalır bir etiraf: zavod ərazisində vatsapın bloklanması. Hələlik işçilər zavod ərazisində tətbiqə girişin ötən aydan məhdudlaşdırıldığını desələr də, rəhbərlik təqsiri mobil operatorların üzərinə atır.

Vüqar