"Avtovaz" rəhbərliyinin gecikmiş etirafı

Rusiyanın Avtovaz şirkəti bu il istehsal planını yerinə yetirə bilməyəcək.

Avtosfer.az xəbər verir ki, 2024-cü ilin noyabrında 2025-ci il üçün illik 500 min ədəd avtomobil istehsalı planı təsdiq edilmişdi. Həmin il şirkət 525 min maşın satmışdı.

Lakin bu ilin aprelindən etibarən istehsal tempi aşağı düşüb. İyun ayında rəhbərlik istehsalın 25 faiz azalacağını bildirmişdi. Avqustda şirkət işçilərinə 2 həftəlik korporativ məzuniyyət verib.

Bu günlərdə isə məlum olub ki, rəhbərlik 300 mindən bire qədər çox maşın istehsalına ümid edir. Bu da istehsalın 40 faiz azalması deməkdir. 

Zavodun direktoru Maksim Sokolov  gələn həftədən dördgünlük iş həftəsinə keçiləcəyini etiraf edib. Halbuki, 2 ay əvvəl zavod rəhbərliyi bu barədə söz-söhbəti qətiyyətlə təkzib etmişdi.

Yeri gəlmişkən, zavodun ərazisində ötən həftədən sosial şəbəkələrə və vatsapa giriş məhdudlaşdırılıb. Maraqlıdır ki, əməkdaşlar faktı təsdiqləsələr də, direktor bunu təkzib edir.

Vüqar