Azərbaycanda İkinci Dünya müharibəsi zamanı sürücülük imtahanı - FOTOLAR

Azərbaycan xalqı faşizm üzərində qələbəyə böyük töhfə verib. İkinci Dünya müharibəsi zamanı oğullarımız ön cəbhədə vuruşduğu halda, qadınlar zavodlarda, tarlada və ümumiyyətlə bütün ağır işlərdə onları əvəz edirdilər. 

Avtosfer.az xəbər verir ki, müharibə başlayandan bir neçə gün sonra ölkədə onsiz da az sayda olan avtomobillər yığışdırlaraq ordunun ehtiyacı üçün səfərbər edildi. Yalnız bir neçə rəhbər şəxsin istifadəsi üçün və müəssisələrin balansında barmaqla sayılacaq qədər avtomobil qalmışdı.

Avtomobil olmamsına rəğmən sürücülük vəsiqələrinin verilməsi davam edirdi. BDYPİ-nin saytındakı məlumata diqqət edək: “İkinci Dünya müharibəsi dövründə Dövlət Avtomobil Müfəttişliyinin fəaliyyətində müəyyən çətinliklər yarandı. Müfəttişliyin sərəncamında texniki vasitələr, hətta xidməti istifadə üçün avtomobil yox idi. Sürücülük vəsiqəsi almaq istəyənlərin biliyi sual-cavabla qiymətləndirilirdi”.

Müharibə qurtardıqdan sonra ordunun balansında olan zədəli, nasaz yük avtomobilləri idarə və müəssisələrə paylandı. Yenidən yollarda “Zaxar”, “Polutorka” və “Studbeker”lər görünməyə başladı. Təbii ki, bu maşınlar artan ehtiyacı ödəmirdi. Bununla belə, təşkilatlar min bir əziyyət bahasına onları təmir etməyə çalışırdı.

Vüqar Yaşaroğlu