Bir çox ölkələr dizel avtomobillərdən imtina edir – Bəs Azərbaycan? - VİDEO

Bir çox ölkələrdə dizel mühərrikli avtomobillərə qarşı məhdudiyyətlər tətbiq edilməsi planlaşdırılır.

Norveç, Niderland və Fransa yaxın illərdə dizel mühərrikli avtomobillərin satışını tamamilə dayandırmağı nəzərdə tutub. Almaniyada isə bəzi şəhərlərdə havanın çirklənməsini azaltmaq məqsədilə dizellə işləyən avtomobillərin hərəkətinə qismən qadağalar qoyulub. Britaniya 2030-cu ildən etibarən yeni benzin və dizel mühərrikli avtomobillərin satışını dayandırmağı hədəfləyir.

Ölkəmizdə də belə avtomobillər kifayət qədərdir. Bizdə də belə addımlar atıla bilərmi?

Avtomobil satışı üzrə mütəxəssis Eldəniz Cəfərov bildirir ki, dizel mühərrikli avtomobillərin ölkəmizdə qadağan olunması hələ ki nəzərdə tutulmayıb.

Yük daşımaları, kənd təsərrüfatında istifadə edilən texnika və digər ağır tonnajlı nəqliyyat vasitələri əsasən dizellə işləyir.

Bəs yaxın gələcəkdə Avropada qadağan edilən bu tip nəqəliyyat vasitələrinə qoyulan qadağanın bizim bazara təsiri olacaqmı?

Daha ətraflı videomaterialda.