"BMW" 1,6 milyon avtomobili geri çağırır

Almaniyanın "BMW" şirkəti dünyada 1,6 milyon avtomobili geri çağırır. Avtosfer.az-ın Trend-ə istinadən məlumatına görə, geri çağırılma işlənmiş qazların ötürmə sistemində mümkün nasazlıqla əlaqədardır. Qeyd olunur ki, bu qüsur bəzi hallarda yanğına səbəb ola bilər. Geri çağırılma 2010-cu ilin avqustundan 2017-ci ilin avqustunadək istehsal olunan avtomobillərə şamil edilir.