"BMW" "Gelandewagen"ə rəqib hazırlayır

BMW populyar "Mercedes-Benz G-Class" yolsuzluq avtomobili ilə rəqabət aparacaq G74 yolsuzluq modelini buraxmağı planlaşdırır.

Avtosfer.az xəbər verir ki, bu barədə "Automotive News" məlumat yayıb.

Məlumata görə, "Gelandewagen"in rəqibi yeni nəsil X5 krossoverinin uyğunlaşdırılmış platforması əsasında qurulacaq.

G74 layihəsinin təfərrüatı hələ bəlli deyil. İlkin məlumatlara görə, yolsuzluq avtomobili hibrid mühərriklə təchiz oluna bilər.

Avtomobilin 2028-2029-cu illərdə buraxılması gözlənilir.