Bu avtomobillər bazardakı qiymətləri ALT-ÜST EDƏCƏK

Azərbaycana 2024-ün 11 ayında idxal edilən avtomobillərin dəyəri 1 milyard 400 milyon dolları ötüb. Xüsusilə, hibrid avtomobillərin idxalı iki dəfəyə qədər artıb.

Bəs Çindən idxal edilən ucuz avtomobillər Azərbaycandakı maşın bazarında nəyi dəyişə bilər?

Avtosfer.az "Yenisabah"a istinadən xəbər verir ki, bir sıra ekspertlərin fikrincə, son illər Çin avtomobilləri keyfiyyət baxımından əhəmiyyətli irəliləyişlər göstərib. Bəzi markalar Avropa və beynəlxalq standartlara cavab verir. Bununla yanaşı, bu avtomobillərin Azərbaycanın yol şəraiti və iqliminə tam uyğun olub-olmadığına dair suallar qalır. Xüsusilə məhdud büdcəli modellərdə təhlukəsizlik standartları daha aşağı səviyyədə ola bilər.

Avtomobil sahəsindəki mütəxəssislər Çindən idxal olunan avtomobillərin qiymətindəki ucuzluğu bir neçə amillə əlaqələndirir. Bunlardan biri istehsal xərclərindəki qiymət fərqidir.

Belə ki, Çində istehsal edilən avtomobillərin ucuz xərc strukturu ilə dərhal diqqət çəkir. Digər bir faktor isə logistika sahəsindəki imkanlardır. Çin və Azərbaycan arasında optimallaşdırılmış logistika qiymətləri daha məqbul edir. Xüsusilə hibrid və elektrikli avtomobillərə tətbiq edilən gömrük rüsumlarında yumşaqlıq, bu modellərin bazarda daha çox yayılmasına imkan yaradır.

Ekspertlər hesab edir ki, hibrid avtomobillərin istifadəsinin artması Azərbaycanda yanacaq istehlakına ciddi təsir edir. Karbon emissiyalarını azaltmaq baxımından hibrid texnologiyaları əhəmiyyətlidir. Bununla yanaşı, elektrik avtomobillərinin istifadəsi üçün lazımi infrastrukturun hələ tam qurulmadığı görülür, bu da əlavə investisiya tələb edir. Avtomobil qiymətlərindəki qiymət fərqlənmələrinin təsir edəcəyi ən mühüm sahə isə ikinci əl avtomobil sektorudur. Ucuz qiymətlər və yeni modellər alıcı marağını artırır. Bu, xüsusilə ikinci əl avtomobil bazarına neqativ təsir edə bilər. Alıcılar çox vaxt yeni və daha cəlbedici qiymətlərə sahib avtomobilləri üstün tutur. Digər tərəfdən, servis xərcəri və texniki baxış imkanları da mühüm rol oynayır. Ucuz avtomobillərin idxalı üzun müdətdə Azərbaycan avtomobil bazarını müsbət istiqamətdə dəyişdirmə potensialına malikdir. Bununla yanaşı, çin istehsalı avtomobillər üçün ehtiyat hissəsi və texniki servis mərkəzlərinin artırılması şərtlidir. Çindən idxal edilən ucuz avtomobillər Azərbaycan bazarının strukturuna ciddi təsir edir. Yekun olaraq gözləntilər odur ki, daha çox istehlakçı hibrid və iqtisadi modellərə üstünlük verəcək. Bunun bazarda yaratdığı dəyişiklik və təsir faktoru geniş zaman aralığı və ətraflı analizlər tələb edir.