Bu dəfə kilometrajı vergi müfəttişləri geri çəkdilər

Adətən avtomobillərin kilometrajının geri çəkilməsini alverçilərin etdiyini görmüşük. Bu dəfə isə bu əməli dövlət qurumunun əməkdaşları törədib.

Avtosfer.az  xəbər verir ki, finlandiyalı iş adamı uzun illər Hamburqda taksi kimi istismar olunmuş “Mercedes”i alaraq ölkəsinə gətirib. Lakin rəsmiləşdirmə zamanı problem yaranıb. Vergi orqanları avtomobilin 2 milyon kilometr qət etdiyinə inamayıblar. Onlara elə gəlib ki, spidometr düz işləmir. Müfəttişlər odometrin göstəricisini geri çəkərək 180 000 kilometrə qoyublar. Halbuki, servis kitabçasında bütün xidmətlər qeyd olunub.

Avtomobilin taksidə istifadə edilən orijinal rəngi saxlanılıb. Istismar müddətində kondisioner, forsunka və digər detallar dəyişdirilib. Mühərrik isə orijinaldır. 

İş adamının arvadı da 1,2 milyon kilometr qət etmiş “Mercedes” sürür.

Vüqar