Bu şəhərdə köhnə avtomobillərə yanacaq satışı qadağan edildi

32 milyondan çox insanın yaşadığı Dehli həm də dünyanın ən pis ekologiyasına malik meqapolislərindəndir. Burada atmosferə atılan qazlara görə hər il 1,7 milyon insan vaxtından əvvəl ölür. Şəhərdə ağciyər xəstəlikləri normaya çevrilib. 

Avtosfer.az xəbər verir ki, paytaxda 6 milyondan çox nəqliyyat vasitəsi qeydiyyatdadır. Onlardan çoxu motosikletdir. 
Dehli məhkəməsi hələ 2018-ci ildə köhnə maşınların istismarını qadağan edən qətnamə çıxarmışdı. Lakin heç kim buna əməl etmirdi. Bu günlərdə isə isə bələdiyyə və polis qərarın icrasına başlayıb. 

Qərara görə yaşı 10-u keçən Dizel, 145-i keçən benzin mühərrikli avtomobillərə yanacaq satmaq qadağan edilir. Dünəndən etibarən polis yanacaqdoldurma məntəqələrində reydlərə başlayıb. Köhnə avtomobillərə yanacaq satanlar cərimələnir. 

Hindistan həm də yol qəzalarında ölümə görə “liderdir”. 2014-cu ildən indiyədək hər il yol qəzalarında orta hesabla 155 622 nəfər həyatını itirir. Onların da üçdə biri motosikletçilərdir.

Vüqar