Bu yollarda hərəkət qismən məhdudlaşdırılacaq

Bu gün gecə saatlarından etibarən paytaxtın Heydər Əliyev prospektində hərəkət qismən məhdudlaşdırılacaq. Avtosfer.az-ın məlumatına görə, buna səbəb Olimpiya stadionun qarşısından keçən hissədə yolun təmir edilməsidir. Sürücülərə alternativ yollardan istifadə edilməsi tövsiyyə edilir.

Ərazidə iki yol ayrıcındakı bordürlər və səki daşlarıda yeniləri ilə əvəz edilir. İşlər 2 mərhələdə görüləcək. Əvvəl yolun Sabunçu yol qovşağından üzü şəhər istiqamətinə olan hissəsi təmir ediləcək.

Bakı şəhər Dövlət Yol Polisi İdarəsinin ictimaiyyətlə əlaqələr bölməsinin rəisi Vaqif Əsədov isə sürücülərə alternativ yollardan istifadə etməyi tövsiyyə edir. Onun sözlərinə görə üzü şəhər istiqamətinə gələn sürücülər sabuncu yol qovşağından istifadə etməklə Bakıxanov qəsəbəsinə keçərək istənilən istiqamətə gedə bilərlər. Həmçinin, hava limanı istiqamətinə hərəkət edən sürücülər Zığ şossesindən də istifadə edə bilərlər.

Avtosfer.az