Çin maşınlarına hansı yağı TÖKMƏK OLMAZ?

Bu gün Çin avtomobillərinin mühərrikinin çox tez sıradan çıxmasına dair videolar dolaşmaqdadır. Qəribə burasındadır ki, bu nasazlıq çox zaman sürücülərin texnika ilə səhv davranması nəticəsində ortaya çıxır. Bu səhvlərdən biri də yanlış yağ seçimidir. 

Avtosfer.az xəbər verir ki, rus ekspert Anatoli Kerasi əksər Çin marakalarının avtomobillərə 5-7 il zəmanət verdiyini deyir. Zəmanətdən məhrum olmamaq üçün istehsalçının tövsiyələrinə əməl edilməlidir.
Əsas tələblərdən biri yağla bağlı tövsiyəyə əməl edilməsidir. Əgər yağ üçün API SN (American Petroleum Institute) standartlı yağ tələb edilirsə, bu tələbə əməl edilməlidir. Həmçinin daha yeni API SP və API SQ standartlarına uyğun yağlardan istifadə etmək mümkündür. Lakin köhnə API SL standartlı yağdan istifadə etmək olmaz.
əgər texniki şərtnamədə Avropa standartı ACEA göstərilirsə, o zaman ACEA C5 standartlı yağ istifadə edilməlidir. Çinli istehsalçılar OEM müsaidələrinə icazə vermirlər. bir sözlə, mühərrikə yalnız tələbə uyğun yağ tökülməlidir.

OEM – “Original Equipment Manufacturer”, yəni orijinal avadanlıq istehsalçısı.

Vüqar