Çin "Rolls-Royce" və "Maybach"in bazarını "öldürəcək" - FOTO

Çinin JAC və "Huawei" şirkətlərinin birgə istehsalı olan "Maextro S800" ultralüks sedanının test yürüşü keçirilib.

Avtosfer.az Oxu.az-a istinadla xəbər verir ki, qabaritlərinə görə "Rolls-Royce" və "Mercedes-Maybach" avtomobillərini üstələyən sedan təqdimatdan öncə Çində test yürüşü zamanı görünüb.

"Maextro S800" avtomobilinin təqdimat mərasimi mayın 31-nə planlaşdırılıb. O iki - tam elektrik və hibrid variantında təqdim ediləcək.

Cəmi 10,5 dəqiqə ərzində enerjini 10-80% doldurmaq mümkün olacaq. Hibrid variantının akkumulyatoru 63,262 kVt/s olacaq. 100 km məsafəyə 0,09 litr yanacaq sərf edəcək.

Avtomobilin dəqiq qiyməti hələlik məlum deyil, lakin onun 1-1,5 milyon yuan (təqribən 237 min - 356 min manat - red.) olacağı gözlənilir.