Çin yarım sükanlı avtomobilləri qadağan etdi

Çində sükanın üst hissəsi olmayan avtomobillərin istehsalı qadağan ediləcək.

Avtosfer.az xəbər verir ki, bu barədə"CarNewsChina" məlumat yayıb.

Çin Sənaye və İnformasiya Texnologiyaları Nazirliyi (ÇSİT) yeni GB 11557-202X standartını açıqlayıb. Standart 2027-ci il yanvarın 1-dən etibarən qüvvəyə minəcək.

Yeni qaydalara əsasən, standart sükanın on spesifik nöqtədə test olunması tələb olunur, yarım sükan isə bu sınaqlara uyğun deyil.

Hava yastığı açıldıqda yarım sükanlar təhlükəli ola bilər. Statistikaya görə, sürücü xəsarətlərinin 46%-nin səbəbi sükana dəymə ilə əlaqəlidir. Dəyirmi sükanlar təsiri yumşaldır, yarım sükanlar xəsarət riskini artırır.

Yeni avtomobillər 2027-ci ildən standartlara uyğun olmalı, mövcud modellərə isə 13 aylıq keçid dövrü verilib.