Çinin yeni avtomobili ətrafında spekulyasiya

Çində yeni “Zeekr 9X” modeli ətrafında spekulyasiya böyüyür. 

Avtosfer.az xəbər verir ki, çindilli elan saytları yeni avtomobil təklifləri ilə doludur. Məsələ burasındadır ki, təzə avtomobil 66 min dollara olduğu halda, elanlarda 80 min dollar və daha yüksək qiymətə təklif edilir. 
“Zeekr 9X” modeli 900 voltluq  hibrid sistemlə təchiz edilib. Maşının lüks versiyası 1030 kilovat güc hasil edir. 
Spekulyasiyaya səbəb maşının sərbəst satışda olmamasıdır. Qabaqcadan sifariş verilən maşınların çatdırılma müddəti isə 10 həftədən 26 həftəyə qaldırılıb. Noyabr ayında təhvil verilməli olan avtomobillərin çoxu hələ də sahiblərinə çatmayıb. 
Çin hökuməti avtomobil sektoruna belə demək mümkünsə, əl gəzdirməyə başlayıb. Yanvardan isə daha ciddi tədbirlər görüləcək. Rəsmi Pekin bununla ölkədə istehsal olunmuş maşınların reputasiyasını qaldırmaq istəyir.

Vüqar