Dünyada bu avtomobilə tələb azaldı, satışları zəiflədi

Almaniyanın avtomobil istehsalçısı "Volkswagen"in ötən il satışları 1,4% azalaraq 4,73 milyona enib.
Avtosfer.az xəbər verir ki, bu barədə qurumun hesabatında deyilir.

Bu dövrdə Avropada "Volkswagen"in satışları illik müqayisədə 5,1%, Cənubi Amerikada isə 18,5% artıb. Eyni zamanda Çində satışlar 8,4%, Şimali Amerikada isə 8,2% azalıb.

Hesabat dövründə elektrikli nəqliyyat vasitələrinin satışları 382 min ədəd təşkil edib. Lakin Avropada bu nəqliyyat vasitələrinin satışları 50 faiz artıb. Elektrikli nəqliyyat vasitələri ümumi qlobal satışların 8,1%-ni təşkil edib.

"Volkswagen", bütövlükdə Avropada və xüsusilə Almaniyada avtomobil bazarında liderdir və burada brend bazarın 19,6%-ni tutur .

Qeyd edək ki, son 12 ay ərzində "Volkswagen"in bazar kapitallaşması 11,7% artaraq 51,59 milyard avroya çatıb./İqtisadiyyat.az