Dünyanın ən aqressiv sürücüləri bu ölkədə yaşayır

“DiscoverCars” təşkilatı müxtəlif ölkələrdə 700-dən çox sürücünün davranışını araşdırıb. 

Avtosfer.az xəbər verir ki, nəticələr çoxlarının gözlədiyi kimi olub. İlk yerə, daha doğrusu antireytinqə italiyalılar sahib çıxıblar. Onların sükan arxasında davranışı 5 ballıq şkala ilə 3,5 qiymətləndirilib (5 – çox aqressiv, 1 - sakit). Maraqlı budur ki, italiyalılar özləri də sükan arxasında intizamsız olduqlarını etiraf edirlər. Bununla belə, onlar intizamsız sürücülərə qarşı ifrat tolerantdırlar. Ən riskli şəhərlər isə Neapol və Romadır. 

Növbəti yerləri 3,4 balla Yeni Zellandiya və ABŞ bölüşür. Zellandiyanın qonşusu olan Avstraliya (2,7 bal) və ABŞ-nin qonşusu Kanada (2,8 bal) isə təmkinli sürücüləri ilə seçilir.

Niderlandlılar və fransızlar isə 2,9 balla yaxşı sürücü kateqoriyasındadırlar. 

Şəhərlər üzrə bölgüyə gəlincə: “DiscoverCars”ın analitiklərinin qənaətinə görə, londonlular ən aqressiv sürücülərdir. Növbəti yerlərdə isə yuxarıda qeyd etdiyimiz İtaliya şəhərlərinin sakinləri gəlirlər.

Vüqar Yaşaroğlu