Dünyanın ilk superkarının yeni versiyası təqdim edildi - FOTO

Yaponiyanın "Liberty Walk" tüninq studiyası Tokio avtosalonunda dünyanın ilk superkarı hesab edilən "Lamborghini Miura"nın əsasında "LB-Silhouette WORKS GT" avtomobilini təqdim edib.

Avtosfer.az xəbər verir ki, bu barədə championat.com məlumat yayıb.

Məlumata görə, yeni model üçün tamamilə təzə kuzov yaradılıb.

Qeyd edək ki, "Lamborghini Miura" 1965-ci ildə Cimpaolo Dallaranın iştirakı ilə hazırlanıb və onun dizaynı "Bertone" studiyasında Marçello Qandini tərəfindən yaradılıb. 1966-cı ildə satışa çıxan avtomobil 275 km/saat (178 mil/saat) sürətə malik olmaqla "AC Cobra Mk III 427"ni geridə qoyaraq, ən sürətli yol avtomobili olub. "Lamborghini Miura" tarixdə ilk superkar hesab olunur və bu gün bu avtomobilin dəyəri milyonlarla dollardır.

(oxu.az)