Elektrik avtomobillərinin bazar payı 2030-cu il üçün 40%-i ötəcək - PROQNOZ

Elektrik mühərrikli modellərin qlobal avtomobil bazarında payı 2030-cu il üçün 40%-i ötəcək.

Avtosfer.az xəbər verir ki, bu barədə “APA” Beynəlxalq Enerji Agentliyinin (IEA) dünyada elektrikli avtomobillərin inkişafı ilə bağlı hesabatına istinadən xəbər verir.

“Əhəmiyyətli qeyri-müəyyənliklərə baxmayaraq, elektrikli avtomobillərin bazar payı 2030-cu il üçün 40%-i keçəcək, çünki onlar bir çox bazarda getdikcə daha əlverişli olurlar”, - hesabatda qeyd olunur.

Hesabata əsasən, qlobal iqtisadi artım, ticarət və sənaye siyasətlərinin təkamülü ilə bağlı qeyri-müəyyənliklər artım perspektivinə təsir edə bilər, lakin bu proses elektrik avtomobillərin artan əlverişliliyi ilə dəstəklənir.

"Bizim məlumatlarımız göstərir ki, əhəmiyyətli qeyri-müəyyənliyə baxmayaraq, elektrik avtomobilləri qlobal miqyasda güclü inkişaf trayektoriyasında qalır. Satışlar beynəlxalq avtomobil sənayesi üçün ciddi təsirləri olan yeni rekordlar vurmağa davam edir", - Agentliyin İcraçı Direktoru Fatih Birol bildirib.

IEA-nın proqnoozlarına əsasən, bu il dünyada satılan hər dörd avtomobildən birindən çoxu elektrikli olacaq. Bu onilliyin sonuna qədər isə qeyd olunan rəqəmin hər beşdə ikidən çox olacağı gözlənilir.