Ən yüksək keyfiyyətli 5 avtomobil

Çində yerli istehsal olunan ən keyfiyyətli avtomobillərin siyahısı açıqlanıb.

Avtosfer.az xarici KİV-ə istinadla xəbər verir ki, reytinq China Automotive Quality Net (Çin Avtomobil Keyfiyyəti Şəbəkəsi) tərəfindən tərtib edilib.

Məlumata görə, siyahıda birinci yeri Audi Q6 modeli tutub. Avtomobil SAIC–Volkswagen birgə müəssisəsində istehsal olunur. Model barədə mənfi rəy sayı minimum olduğu üçün cəmi 140 “cərimə balı” toplayıb.

İkinci və üçüncü yerlərdə Honda UR-V və Honda XR-V modelləri qərarlaşıb. Honda–Dongfeng birgə müəssisəsində istehsal olunan bu avtomobillər müvafiq olaraq 142 və 143 cərimə balı ilə qiymətləndirilib.

Dördüncü yerdə Audi Q2L krossoveri yer alıb. FAW–Volkswagen birgə müəssisəsində buraxılan model 145 cərimə balı toplayıb. Beşinci pillədə isə Honda Avancier krossoveri qərarlaşıb. Honda–GAC istehsalı olan avtomobilin göstəricisi 146 cərimə balı olub./redaktor.az